نكت جميلة ويارب تعجبكم.
1- مرة واحد مراته بتولد فجاب دكتورة تولدها ,دخلت الدكتورة أوضة المدام وبعد خمس دقايق خرجت وقالتله:- الاقى عندك شاكوش لو سمحت؟؟
الراجل استغرب ,الا انه جاب الشاكوش,خدته الدكتورة ودخلت وبعد عشر دقايق خرجت تقوله:- الاقى عند حضرتك منشار من فضلك؟؟
الراجل استغرب اكتر انما جاب المنشار,خدته ودخلت وبعد حوالى خمس دقايق خرجت تقوله :- الاقى عندك كماشة لو سمحت؟؟
الراجل جاب آخره بقى ,فقالها هو ايه الحكاية يا دكتورة ,انا كده قلقت,هى ولادتها صعبة للدرجة دى؟؟
فقالتله:- لا حضرتك,الموضوع ملوش علاقة بالولادة خالص,انا بس نسيت مفتاح شنطتى وبحاول افتحها موش عارفة!!
**********************************
***************************
*******************
2- طبيب رمد قاعد مع خطيبته على النيل فى جلسة شاعرية,مسك وردة وقالها :- شايفة الوردة دى ؟؟
قالتله أيوه
بعد الوردة شوية وقالها طب وكده,شايفاها؟؟
*********************************
*************************
*****************
3- مريض راح للدكتور,عمله فحوص وأشعة وتحاليل ودخل علية مكشر جداااا ,المريض سأله,فيه ايه يا دكتور؟؟؟
الدكتور قاله :-
انا عندى لك خبرين ,واحد وحش ,وواحد وحش جدااااااااااااااااا!!
المريض قاله طب قولى الخبر الأسوأ الأول
الدكتور قاله :- عندك سرطان فى مرحلة متقدمة جدااااا وموش متوقع تعيش اكتر من تلت اربع شهور!!
المريض قاله طب والخبر التانى؟؟
الدكتور قاله عندك زهايمر!!
المريض فرح جدااااااا,وقاله:-
الحممممد لله,دا انا كنت فاكر عندى سرطاان!!
*********************************
*************************
*****************
4- مريض دخل عيادة دكتور وهو متعور ودمة سايل,وقاله يا دكتوور انا وانا ماشى دخلت فى باب قزاز رجلى اتعورت !!
الدكتور مسك الورقة والقلم وكتب حاجة وقاله:-
القطرة دى تستعملها تلت مرات يوميا لمدة اسبوع!!
المريض قاله:- يا دكتور دى رجلى اللى اتعورت موش عينى!!
الدكتور قاله:- ماهى لو عنيك سليمة مكانتش رجلك اتعورت يا ناصح!!
********************************
*************************
*****************
5- واحد ماشى بيكلم نفسه وبيقول :-
جبرى فى البلاعة؟؟لأ
سمك فى الجردل؟؟ لأ
حوت فى السيفون؟؟لأ
كابوريا فى البانيو؟؟ لأ
لقى فى طريقة كابينة تليفون راح طالب رقم وقال:-
يا دكتور ,هو انت قلتلى عندى ايه؟؟
سرطان فى الحوووض
***************************
*******************
************
6- واحد صعيدى راح مع مراته للدكتور ,بعد الفحص الدكتور قاله:-
انا شاكك ان فيه ورم فى المخ!!
الراجل زعل وضرب كف بكف وقال
لا حول ولا قوة الا بالله
والمخ ده جالها منين يا دكتور؟؟؟
******************************
**********************
****************
7- واحد صعيدى راح مستشفى يتعالج,بعد الفحص الدكاترة قرروا ان رجله لازم تتبتر,الراجل قالهم يعنى مفيش اى علاج ليها غير البتر؟؟
قالوله للأسف لأ!!
الراجل راح ماسك بلطة ونازل بيها على رجله طيرها!!
كل الموجودين سقفوا وانبهروا بشجاعة الراجل,وبراافو علييييك,راجل شجاع .
راح قاطع رجلة التانية!!!
********************************
************************
****************
8- مريض داخل يجرى للدكتور وهو متوتر وخايف :-
الحقنى يا دكتووور,الحقنى ارجووووك
الدكتور:- اهدى بس حضرتك وقولى فيه ايه؟؟
المريض:- انا بلعت جنيه دهب يا دكتور!!
الدكتور:- من قد ايه حصل ده؟؟
المريض:- من تلت سنين يا دكتور!!!
الدكتور باستغراب:- ومجيتش من وقت ما بلعته ليه؟؟
المريض:- وقتها مكنتش محتاج فلوس!!
**********************************
*************************
********************
9- دكتور اتجوز دكتورة,حملت,يوم الولادة فوجئوا بالمولود راح فاتح بطن امه وناطط وفى ايده مشرط وبيقول:-
كان لاااازم قيصرية,انتوا اتعلمتوا الطب فييين انا موش فاهم؟؟
***********************************
**************************
*******************
يا رب النكت تعجبكم
السبت يوليو 14, 2007 8:35 am
